باسل النجار = الرياض في الأحد 8 يناير 2023 02:09 مساءً - خلال اللقاء تحدث الفنان أحمد آدم عن زوجته وكيف سامحته بعدما عرفت أكثر من مرة أنه لديه علاقات نسائية أخرى

وقال أحمد آدم: كنت لسه مخلص مسرحية “عطية الإرهابية”، وجالي أستاذ عصام إمام وقالي عاوز أعملك مسرحية أنت ويسرا وأشرف عبد الباقي، وأشرف اعتذر فقولتله نجيب هنيدي، وعملنا بروفات مع الأستاذ سمير العصفوري، والمسرحية أن يسرا أختنا الكبيرة ودكتورة ولما بتحصل مشاكل بتشتغل رقاصة، وفي مرة قابلت أستاذة يسرا وسألتها إن كانت هتشارك في المسرحية لأن كان في عروض تانية اتقدمت لي وقالت لي أنها مش هتشتغل وطلبت مني مقولش لحد، ومبقتش عارف أعمل إيه.

وتابع: بعد فترة اتصل بي عصام إمام وقالي أن يسرا مش هتشتغل، وأنا قولت له أني مش هشتغل طالما هي مش موجودة، فقالي أنه هيجيب فيفي عبده، وأنا مع الانفعال قولت له مش هشتغل مع فيفي عبده، كنت أيامها بفكر أن فيفي عبده عندها حفلات وأفراح ومش هيبقى في التزام بمواعيد المسرح كان دا السبب وأستاذ عصام تفهم الأمر.