باسل النجار = الرياض في الأحد 10 أبريل 2022 06:01 مساءً - تحدثت الفنانة صابرين، عن محاولات إنقاص وزنها لمدة 11 عاما وقالت أنها تكتسب الوزن بسرعة

قالت صابرين خلال حوارها مع الإعلامية بسمة وهبة في برنامج “العرافة” المذاع على قناة المحور “انا لو شميت ريحة أكل الجيران بتخن والدكاترة تعبوا معايا ومزعلتش من كلام رامز مش هنكدب”

وتابعت “أنا متذوقة للأكل وبعرف اطبخ كويس والدكاترة قالولي تاكلي من 6 الصبح إلي 6 المغرب لأن الحرق بيقف بعد غروب الشمس، والصيام المتقطع”

وأضاف “جوزي لما بلبس حاجة بيكون باين أن وزني زائد بيقولي لكن مبيطلبش مني اخس، وانا براضي الكل وبحب عائلتي واولادي بيحبوني لدرجة أنهم ميزعلونيش ودي اقوى مراحل التربية وجوزي كمان زعلي بيضايقه”

كانت صابرين قد تحدثت عن تعدد الزوجات خلال الحلقة وقالت “اه الزوجة الثانية تقليل من شأن المرأة في حالة أن الراجل يكون واخدها على أنها زوجة ثانية بمعنى الكلمة يعني في السر وشرط عدم الإنجاب”

وعن تجربتها الشخصية قالت “أنا احترمت جوزي لما عرض على زوجته الأولى الانفصال لانه عايز يتجوز ومراته رفضت علشان عايزة تربي ابنها وانا اللي مرضاهوش على نفسي مرضاهوش على أي ست حتى لو مش مصرية”

وأضافت “العدل نسبيا مش هيتحقق لأن في واحدة هتتظلم وهو قعد معايا اكتر وانجبت وهو فهمني كل الظروف الخاصة بيه وكان نفسه يخلف تاني لأن مراته كانت شالت الرحم وانا احترمته”

يذكر أن صابرين شاركت في مسلسل “الحلم” مع محمد رياض، رانيا فريد شوقي، انوشكا، سميرة عبد العزيز وغيرهم نخبة من النجوم