السبت 28 مايو 2022 10:58 صباحاً - قام الإعلامي عمرو أديب بالتعليق على حوار السياسي حمدين صباحي وهو المرشح الرئاسي الأسبق، ومؤسس حزب الكرامة والتيار الشعبي، مع الدكتور ضياء رشوان نقيب الصحفيين أمس، ووجه له رسالة نارية حالياً.

رسالة نارية من عمرو أديب لـ حمدين صباحي

وأكد عمرو أديب أثناء برنامج “الحكاية” الذي يبث على قناة “إم بي سي مصر”، قائلاً “أقبل أنه يتكلم عن سجناء الرأي ويطرح رؤيته وأفكاره عن تحسين أحوال الناس المعيشية وضرورة الحوار السياسي ولكن ما ينفعش نقول بنعمل دا عشان ما يحصلش انفجار، بلدنا مش قاعدة على قنبلة”.

انزعاج عمرو أديب من حوار حمدين صباحي

وتحدث أديب قائلاً “في حوار حمدين صباحي مع ضياء رشوان كان هناك أمر ابتديت أنزعج منه ونفسي نتخطاه لإن مفيش حاجة كدا فكرة طرحه رأيه إنه لازم نعمل الحوار السياسي ونخرج سجناء الرأي علشان ميحصلش انفجار أصل لو ما عملناش كده يحصل انفجار، إيه الدولة اللي قاعدة على قنبلة دي”.

واستكمل قائلاً “يا جماعة دي ما تبقاش دولة دي تبقى جميعة كل واحد يقبضها سنة ولكن الدول عندها مشاكل وأزمات بتواجهها والناس بتتكلم ونفتح حوار إنما فكرة في العقل الجمعي الباطن والغير باطن أنه لو محصلش اللي عايزه حمدين يحصل انفجار دا مستقبل إيه دا”.

وانهي قائلاً “بتكلم شاب لسه خارج من الجامعة بيحاول يشتغل ويلاقي شغل في شركة فأنت تقول له احنا بنعمل دا علشان ما يحصلش انفجار لأ كدا الطرح غلط والتفكير لازم يتغير احنا مش قاعدين تحت تهديد ولكن تحت مصلحة وبلدنا مش قاعدة على قنبلة”.