الأحد 10 أبريل 2022 10:40 صباحاً - حرص الفنان عمرو يوسف على الكشف عن كل التفاصيل الخاصة بالشائعات التي انتشرت مؤخراً، وهي التي تتعلق بإعتدائخ على عامل في الجونة أثناء مهرجان الجونة، ورد على هذه الواقعة للمرة الأولى.

عمرو يوسف يكشف حقيقة ضربه عامل بمهرجان الجونة

وكشف عمرو يوسف الحقيقة قائلاً “تعرضت لظلم شديد وأغلبية الوقت مش برد وأول مرة اتكلم عن الموضوع ده واللي حصل إنه نزل خبر إني اعتديت على عامل عشان طلب يتصور معايا، ومش متخيل أزاي حد يصدق حاجة زي كده إني أضرب شخص نفسه يتصور معايا وده عبث”.

وتابع يوسف أثناء حواره في برنامج حبر سري مع الإعلامية أسما إبراهيم على قناة القاهرة والناس الفضائية، قائلاً “الحقيقة كنا معزومين على العشاء في ثالث ليلة من أيام المهرجان وكنا 20 واحد على الترابيزة والولد ده كان حاطط كاميرا التليفون على صدره وبيصور بخبث وكشفته وقلت له بتعمل إيه خاف وساب الفون وجري وطلعت برة لقيت الولد واقف برة وقلت له افتح الفون خاف وطلع يجري”.

عمرو يوسف يكشف عن ما وجد في تليفون العامل

وأضاف قائلاً “واحد من زمايله جه وفتح لي التليفون لقيته مصور لايف 3 دقائق ودخلت بصيت على فونه لقيت بلاوي على التليفون، وخليت التليفون معايا وثاني يوم خاله اتصل على الفون ورديت عليه وبيقولي أنا عرفت القصة وأنا بعتذر لك وأمه كلمتني واعتذرت لي وقالت لى ابني نفسه يمثل وهو كل يوم بيعمل لنا مشكلة”.

وأنهي حديثة قائلاً “أمه كانت خايفة أبلغ عنه والتليفون كان فيه حاجات تحبسه وتوديه في ستين داهية والتليفون كان كارثة، وقلت لهم أنا همسح التليفون بالكامل وهرجع لكم التليفون والولد غلطان 100%، وطلع بعدها إشاعة إنى أنا اللي ضربته وده محصلش خالص”.