باسل النجار = الرياض في الجمعة 19 أغسطس 2022 08:21 مساءً - حكت الفنانة هدى المفتي كواليس واحد من أصعب المشاهد التي نفذتها وهو مشهد القفز في النيل في فيلم “عمهم” مع الفنان محمد إمام.

وقالت هدى المفتي خلال حوارها مع الإعلامية منى الشاذلي في برنامج “معكم”: المشهد مكنش موجود هما زودوه، قولتلهم أنا مش بحب المايه، في كل حاجة عملتها نزلت المايه، حاولت ألغي المشهد لكن معرفتش.

وتابعت: يوم التصوير الصبح رايحة وكل الأفكار السوداء جاتلي هيجيلي بلهارسيا، كنت خايفة أوي، أول ما دخلت قريت قرآن وحاولت أهدى نفسي وفضلت أقول دا محمد إمام نازل هيضحوا بيه، وافتكرت أن كريم عبد العزيز ومنى زكي نطوا في النيل في فيلم “أبو علي” وفيلم “جزيرة شيطان” أتصور كله في المايه.

وأكملت هدى المفتي حكايتها: حضرت نفسي ولبست بدلة الغطس، ولقيتهم بيدوني دواء طلبوا مني أخده ولقيت مكتوب عليه للوقاية من الدودة الشريطية والبلهارسيا، جالي انهيار وفضلت أعيط وقولت مش هنزل، فجأة لقيت محمد إمام داخل وحاول يهديني لمدة ساعة ونص وأنا كنت بترعش وخايفة، قالي أنا كمان هاخد الدواء فطلبت منه ناخد حقنة تكون مطهرة قالي بعد ما نطلع من المايه.

وتابعت: صورنا المشهد وبعدها بيوم كنت في سهرة مع أصدقائي ولقيت تليفون من محمد إمام صوته كان غريب ولقيته جاله نزلة معوية وسخونية، وكان خايف يكون حصلي حاجة.