باسل النجار = الرياض في الأحد 1 ديسمبر 2024 05:37 مساءً - بنبرة وطريقه كلام تعكس مدى التطور الذي لحق بشخصيتها ومظهرها، حكت الفنانة ياسمين صبري قصة صعودها قائلة: محدش يعرف أنا عندي قد إيه في البنك علشان يقولوا لحقت تعمل كل ده إمتى، الطائرات الخاصة اللي بركبها دي عقود شغل، والطائرات مبتعملش إنسان، الإنسان هو اللى بيعملها ودي ممكن تتحط على التوك توك.
وأضافت ياسمين صبري خلال لقائها في برنامج «الحكاية»، الذي يقدمه الإعلامي عمرو أديب على قناة «MBC مصر».أنا معشتش دور الضحية ولا علقت الشماعات ولا الاستعطاف، من صغرى أنا طموحة في كل شيء، وطبعا محظوظة وأنا اللي أصنع الحظ بفضل ربنا، وأنا ليا شغل غير التمثيل وبتصور لماركات عالمية وبستثمر شخصيتي وجمالي علشان أكون سفيرة ماركات عالمية”.
وأكملت: الطيارة الخاصة مش بتخلي الانسان ما حصلش، الطيارة ما بتعملش انسان ولكن الانسان هو اللي بيعمل الطيارة، مضيفه انت اللي بتعمل قيمة للمكان اللي بتدخله، انت بتعمل قيمة لكل شيء، إذا كنت انت إنسان ذو قيمة.
وأكدت ان الفنان يعتبر براند لوحده ماشي على الارض، انا استثمرت في نفسي إني اكون كده، كان ممكن أكون ما باخدش بالي من نفسي ولا من أكلي ولا من صحتي ولا من شكلي، وبسهر واشرب سجاير واشرب اي حاجة، فكان كل ده هيبان على شكلي، وبالتالي ما كنتش هبقى واجهه، ولا حد كان هيقول لي لو سمحتي تعالي اعملي لينا دعاية او تكوني سفيرة.
وتابعت: أنا حاليا براند، وسفيرة، وبالتالي اي حد تحت الاضواء ممكن يعمل كده اذا قدر نفسه واشتغل على نفسه كثير، طبعا كله توفيق من عند ربنا، بس لازم انت تتعب، ربنا قال اسعى يا عبدي وانا اعينك، متابعه ربنا اعطانا عقل كلنا وميزنا بالعقل ده عن بقيه الكائنات مش بالقوة ولاء السرعة ولاء الحجم بالعقل فقط .
وقالت مش عيب ان الانسان يبقى دخله المادي كويس، ليه ساعات المادة بتبقى حساسه؟، او تبقى الفلوس حاجه عيب، لكن في نفس الوقت لازم الانسان يبقى له قيمة، القيمة مش بس هتبقى اني انا ابني فلان او علان، فده ممكن تكون نقمة، لأنه ساعتها معاملتك هتبقى علشان انت ابن فلان وليس لقيمتك او لشخصك، وبالتعريف القيمة هنا ان انت تستخدم عقلك وتفكر وترتقي بنفسك، وتبقى عارف قيمتك ومكانك، يا إما هتبقى جنة لإما هتبقى نار.
