-فيه تصريح للفنانة إلهام شاهين قالت فيه ان وجدي العربي كان خطيبها .. ايه حقيقة الموضوع ده يا أستاذ وجدي؟
=مش عيب ان انسان يرتبط بانسانة عاطفيا وانا كنت اعرف الاستاذة إلهام في بداية عملها الفني وكانت لسه برعم صغيرة معملتش مثل هذه الاعمال المؤسفة اللي عملتها ، ومش عيب اني في يوم من الايام فكرت جديا اتجوزها
-ومتجوزتهاش ليه ؟!
=لأن انا حطيتلها شرط انها متشتغلش في الفن تاني ابدا ووافقت لحد ما في يوم بكلمها في التليفون من اليونان
-حضرتك كنت في اليونان ؟!
=اه كنت بصور مسلسل هناك .. فكلمتها قلتلها “ها اخبارك ايه على ما نحن عليه ؟؟” ، قالتلي “والله يا وجدي بس انا جالي مسلسل مش ممكن اسيب الفرصة دي مسلسل حلو ودور حلو اوي مع آثار الحكيم وممدوح عبدالعليم وأستاذة انعام محمد علي هعمل المسلسل ده بس واتوب” ، قلتلها “اه يعني لعب الشيـ. ـطان في عبك وعايزة تستكلمي في الفن ؟!” .. قالتلي “هعمله واتوب والله” ، قلتلها “هي بتيجي الرجلين من هنا بقى تقولي هعمل كذا واتوب ويبتدي يستغويكي الشيـ. ـطان ويسيطر عليكي ، شوفي يا إلهام هي كلمة واحدة يوم الجمعة الجاية لو جيتي عند أمي في البيت يبقى انتي طلقتي الفن بالتلاتة واشتريتي وجدي العربي ، ولو مجيتيش يبقى انتي طلقتي وجدي العربي بالتلاتة واشتريتي الفن”
-ها واختارت ايه ؟؟
=طلقت وجدي العربي بالتلاتة واشترت الفن ❤️