باسل النجار = الرياض في الاثنين 4 ديسمبر 2023 07:25 مساءً - كامله أبو ذكرى .. ” ربنا يكملك بعقلك يا حره”

سمعت كتير ان كل انسان بيكون له نصيب من أسمه و كامله ابو ذكرى اكبر مثال ، دعولها وقالوا ربنا يكملك بعقلك وقد كان واستجاب المولى .
أتخرجت من المعهد العالي للسينما ، كامله تبقى بنت الكاتب الكبير وجيه أبو ذكري صاحب بستان “الزهور تدفن فى اليمن ” وكتاب “مذبحه الأبرياء ” أصدق توثيق للنكسه.

مش هبالغ لما اقول ان كامله أبو ذكرى هى أهم وأشطر مخرجه فى الوطن العربى أعمالها مباشره وواضحه وتتحب وتتعاش كمان زى مسلسلات” ذات وسجن النسا و100 وش” وعلشان كلنا بنغلط وده عادى ولكل جواد كبوه كامله كانت كبوتها فى فيلم “عن العشق والهوى ” وعلشان هى قويه وقد المسؤوليه اعتذرت عنه .

مش هبالغ كمان لما أقول أن جينات النخوه والعروبة صوتها عالى عند كامله والحقيقه انا دايما بكون متحيز لكل صاحب رأى حر حتى لو مخالف ليا يكفى انه حر فى زمن يسوده العبيد.

أن تراثنا الفنى كنز ملىء بالجواهر الثمينه لا يحتاج نشر بريقه الا أن تقرر انت أن الذهب أثمن من التراب .