باسل النجار = الرياض في الأربعاء 5 فبراير 2025 06:45 مساءً - أول أجر رسمي خدته كان 17 جنيه وكسر، وكان معايا عادل إمام، ومكنش معانا فلوس، وقالنا واحد صاحبنا روحوا الإذاعة قولولهم عايزين إذن الصرف بتاع مسرح التلفزيون؛ قالي بقولك إيه مناخد تاكس، قولتله إحنا معانا فلوس عشان ناخد تاكسي ؟ قالي ما احنا هنقبض انت ناسي، ركبنا تاكسي ووصلنا لشارع الشريفين، فوصلنا لحد الخزنة، مضينا إذن الصرف، وخدنا الفلوس، يادوب نزلنا عادل قالي: إنت قبضت كام ؟ قولتله 17 جنيه وكسر، قالي أومال أنا ليه أكتر من كده .. 27 جنيه وكسر، قولتله يمكن انت اترقيت ولا حاجة، قالي لا إزاي، قولتله أومال إيه ؟ قالي الراجل غلط، قولتله هنعمل إيه، قام جري وقمت رايح وراه، وقال للموظف إحنا آسفين، انت غلط .. انت ادتني كذا، فقاله متشكرين يا ابني كتر خيرك، الراجل كان شديد الامتنان وموقف عادل كان شديد الرقي ورجع للراجل العشرة الزائدة، وقتها العشرة دي كان مبلغ كبير أوي أوي.

[الفنان محمود يس في برنامج ساعة صفا]