باسل النجار = الرياض في الاثنين 6 يناير 2025 04:51 مساءً - شوفت بالصدفة فيديو للممثل احمد الدمرداش في لقاء و كانت المذيعة بتسأله ليه بقالك فترة غايب عن السينما ؟ الحقيقة توقعت الراجل هيعيط بقى و هيقول صحابي في الوسط مبيسألوش عليا و يقول اصل رميت ايفيه في فيلم لهنيدي ف اكلت منه الجو و قاللي و ربنا ما هشغلك تاني..إلخ ؛ زي ما بيحصل في باقي البرامج اللي بيسألوا اسئلة من النوع ده
لكن الراجل فاجئني بإجابة محترمة جداً
قال إنه بعد اخر مسلسل عمله في 2011 لقى نفسه قاعد في البيت و هو متربي على إنه يشتغل من و هو في إبتدائي، فبيقرر يسافر و يبدأ من جديد و يشتغل في الاستصلاح الزراعي ولكن مبيتوفقش و بيرجع مصر و بعدها بيقرر يسافر الصين يدرس هناك التجارة ب كل اشكالها و عشان يدرسها بشكل عملي بيقول لصاحب شركة إنه عاوز يشتغل معاه ببلاش عشان يتعلم بس و بيشتغل و بيثبت نفسه و بينجح و بيعمل بيزنس في الصين.
ولكن بعد كده كل ده بيقف و مبيكملش و بيرجع مصر بعدها صديق له قاله إنه عاوز يفتح شركة اتصالات و عاوز احمد يبقى معاه ولكنه بيقوله إنه مبيفهمش حاجة في المجال ده و بيطلب منه يوجهه لكورسات عشان يتعلم و يقدر يشتغل معاه و بينجح في ده
احترمته جداً و عرفت قد ايه هو مكافح و مش عاوز يعيش عالة على الاخرين ، اكيد الفترات اللي كان بيقعد فيها في البيت و مبيشتغلش كانت بتبقى قاسية عليه و لكن هو مطلعش يتاجر ب ده في التليفزيون .
ربنا يوفق كل واحد بيجتهد اكتر ما بيصيح و يعيط لإن الصياح و العياط مش هيوصلوك لحاجة في النهاية ، لكن لكل مجتهد نصيبعام
