الجمعة 6 مايو 2022 07:26 مساءً - حرص الدكتور مبروك عطية الداعية الإسلامي على التعليق على انفصال رجل الأعمال أحمد أبو هشيمة عن زوجته الفنانة ياسمين صبري، وهي من الأشياء التي أثارت اهتمام جميع المواطنين في كافة الأنحاء.
تعليق مبروك عطية على طلاق ياسمين صبري وأبو هشيمة
وعلق مبروك عطية من خلال فيديو نشره على صفحته الرسمية عبر موقع التواصل الاجتماعي فيس بوك، قائلاً “الزواج شريعة ربنا وأذيع أنهما تطلقا والطلاق شريعة ربنا.. ليه الدنيا مقلوبة، جابلها خاتم في الأول بـ 3 مليون.. كنتوا معاه في الفاتورة؟ ما جايز بربع مليون، هو النائب المحترم لو استشارني كنت هقوله 30 ألف حلو يا أبو حميد والباقي أكل بيه الغلابة طيب لو رد عليا وقالي أنا مطلع زكاتي كنت قولتله تصدق قالي متصدق أقوله إيه مش كفاية زكاة وصدقة أقوله كمان اتبرع بكل مالك؟”.
أبو هشيمة يهدي سيارة لياسمين صبري بـ 10 مليون جنيه
وأضاف عطية قائلاً “جابلها عربية بـ 10 مليون، لو استشارني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني 4.. ولو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم جابه لمراته أدى لمراته حقها نشيل من راسنا سواد نظرتنا لكل ذي مال من زمان”.
واختتم عطية قائلاً “غيرانة.. كان نفسك تبقي هي وتاكلي الصينية.. ياريت أكون هي وأخد أنا العربية مش أخد أبو هشيمة التاجر الناجح لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. اهدوا.. شايل طاجن ستك ليه عندك سواد ليه دع الملك للمالك ولا هو هيبطل جواز ولا هي هتبطل جواز وتبقى الدنيا جميلة”.
